ఇన్వెస్ట్‌మెంట్‌ సెక్టార్‌ని బలోపేతం చేస్తేనే ఉద్యోగావకాశాలు వృద్ధి చెందుతాయని క్రౌన్‌ ప్రిన్స్‌, డిప్యూటీ కమాండర్‌ మరియు ఫస్ట్‌ డిప్యూటీ ప్రైమ్‌ మినిస్టర్‌ ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా చెప్పారు. రిఫ్ఫా ప్యాలెస్‌లో లులు గ్రూప్‌ ఆఫ్‌ కంపెనీస్‌ మేనేజింగ్‌ డైరెక్టర్‌ మరియు చైర్మన్‌ యూసుఫ్‌ అలితో జరిగిన సమావేశంలో ప్రిన్స్‌ సల్మాన్‌ ఈ వ్యాఖ్యలు చేశారు. ఆర్థికాభివృద్ధిలో పెట్టుబడుల పాత్ర చాలా గొప్పదనీ, అలాగే స్థిరమైన అభివృద్ధి సాధించడానికి పెట్టుబడులను ప్రోత్సహిస్తామని చెప్పారాయన. లులు గ్రూప్‌ అభివృద్ధి చెందుతున్న తీరు పట్ల ఈ సందర్భంగా హర్షం వ్యక్తం చేశారు ప్రిన్స్‌ సల్మాన్‌. లులు గ్రూప్‌ చైర్మన్‌ యూసుఫ్‌ అలీ, ప్రిన్స్‌ సల్మాన్‌తో భేటీ అవడం తనకు చాలా ఆనందంగా ఉందని అన్నారు. బహ్రెయిన్‌ కింగ్‌డమ్‌లో లులు గ్రూప్‌ మరిన్ని పెట్టుబడులతో ఉపాధి అవకాశాల్ని కల్పిస్తుందని ఆయన చెప్పారు.