మనామా: క్రౌన్ ప్రిన్స్, ప్రధాన మంత్రి అయిన హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా.. బహ్రెయిన్ మొదటి ఉపగ్రహం "అల్-ముంథర్" విజయవంతంగా ప్రయోగించడంపై హర్షం వ్యక్తం చేశారు. ఇది ఒక మార్గదర్శక విజయంగా ప్రశంసించారు. ఈ మైలురాయి బహ్రెయిన్ రాజు, హిస్ మెజెస్టి కింగ్ హమద్ బిన్ ఇసా అల్ ఖలీఫా, స్థిరమైన అభివృద్ధికి తోడ్పడటానికి భవిష్యత్ శాస్త్రాలను ఉపయోగించుకోవాలనే దార్శనికతను ప్రతిబింబిస్తుందన్నారు. ఈ ప్రయోగం అంతరిక్ష పరిశోధనలో బహ్రెయిన్ వ్యూహాత్మక ఆశయాలకు నిదర్శనం మాత్రమే కాకుండా.. బహ్రెయిన్ ప్రతిభావంతుల అద్భుతమైన సామర్థ్యాలను కూడా హైలైట్ చేస్తుందని పేర్కొన్నారు. ఈ ప్రాజెక్టులో పాల్గొన్న బృంద సభ్యులను అభినందించారు. ఈ విజయవంతమైన మిషన్ అంతరిక్ష సాంకేతికత, ఆవిష్కరణలలో బహ్రెయిన్ ఆకాంక్షలకు కొత్త అధ్యాయాన్ని సూచిస్తుందని స్పష్టం చేశారు.

శనివారం ఉదయం స్పేస్‌ఎక్స్ ఫాల్కన్ 9 రాకెట్ ద్వారా "అల్-ముంతిర్"ను విజయవంతంగా కక్ష్యలోకి ప్రవేశపెట్టారు. ఇది ఇప్పటికే తన మొదటి సంకేతాలను భూమికి పంపించడం  ప్రారంభించింది. ఉపగ్రహం పూర్తిస్థాయిలో పనిచేస్తుందని నేషనల్ స్పేస్ సైన్స్ ఏజెన్సీ (NSSA)లోని గ్రౌండ్ స్టేషన్లు ధృవీకరించాయి.