పెళ్ళి చూపులు తో నేషనల్ వైడ్ క్రేజ్ ని సంపాదించుకున్న నిర్మాత రాజ్ కందుకూరి. మరో షార్ట్ ఫిల్మ్ డైరెక్టర్ ని మెయిన్ స్ట్రీమ్ కి తీసుకొచ్చాడు.  నిర్మాతగా తనకు సక్సెస్ ని అందించిన దారిలో మరో అడుగు ఈ మూవీ. ప్రీ రిలీజ్ లోనే సక్సెస్ టాక్ ని సొంతం చేసుకొని ఇండస్ట్రీ అంతా పెద్ద బజ్ ని క్రియేట్ చేసింది మెంటల్ మదిలో.. మరిఈ మూవీలో అంతగా ఆకట్టుకునే విశేషాలేంటో చూద్దాం..

కథ:
ఆప్షన్స్ ఎక్కువఅయితే కన్ ఫ్యూజ్ అవడం సహాజం.. అయితే ఆ కన్ ఫ్యూజన్ లెవల్స్ పీక్స్ లో ఉండే క్యారెక్టర్ అరవింద్ కృష్ణ(శ్రీవిష్ణు) ది. చెప్పినది చేయడమే తప్ప ఏం కావాలి అనే ఆప్షన్స్ ఇస్తే అక్కడే ఆగిపోతాడు. ఈ భయంతో అమ్మాయిలకు దూరంగా పెరుగుతాడు. ఇతడు పెళ్ళి కొచ్చాడని తల్లిదండ్రులు తెగ గాబారా పడిపోయి మ్యారేజ్ బ్యూరోల చుట్టూ తిరుగుతుంటారు.  సాఫ్ట్ వేర్ ఎంప్లాయ్ అయిన ఈ కుర్రాడు పెళ్ళి చూపులకు వెళ్ళి స్వేచ్ఛ( నివిత పేతురాజ్) తో కనెక్ట్ అవుతాడు. ఇతడి బెరుకు , అమాయకత్వం నచ్చి  స్వేచ్ఛ కూడా అరవింద్ ని ఒకే చేస్తుంది. తనేంటో అర్దం చేసుకొని తనను పూర్తిగా ఇష్టపడే స్వేచ్ఛ అరవింద్ జీవితంలోకి వచ్చాక అతని ప్రపంచం మారిపోతుంది.  పెళ్ళి కి సిద్దం అవుతున్న టైం లో అరవింద్ ఆఫీస్  ముంబాయ్ వెళతాడు. అక్కడ రేణు(అమృత) అనే అమ్మాయిని ప్రేమిస్తాడు. స్వేచ్ఛతో ఎంగేజ్ మెంట్ , రేణు తో ప్రేమ ఇలా కన్ ఫ్యూజన్ గా మారుతుంది అరవింద్ జీవితం.  మరి అరవింద్ తీసుకున్న డెసిషన్ ఎంటనేది మిగిలిన కథ..?

కథనం:
ప్రతి మనిషికి కన్ ఫ్యూజన్ ఉంటుంది. అలాంటి యూనివర్స ల్ ప్రాబ్లెమ్ ని కాస్త ఎక్స్టాక్ట్ చేసి కథను రాసుకోవడంతోనే దర్శకుడు వివేక్ ఆత్రేయ విజయం సాధించాడు. అతని కన్ ఫ్యూజన్ లెవల్స్ ని బాగా ప్రొజెక్ట్ చేస్తూ కథను ముందుకు తీసుకెళ్ళడంతో హీరో క్యారెక్టరైజేషన్ కి త్వరగా కనెక్ట్ అయిపోతాము.  ఆ పాత్రలో శ్రీవిష్ణు లో చాలా బాగా కుదిరాడు. అతను నటించాడు అనడం కంటే  ఆ పాత్రగా మారిపోయాడు అంటే బాగుంటుంది. పెళ్ళి చూపులకు వెళ్ళే సీన్ సినిమాకి హైలెట్ గా నిలుస్తుంది. హీరోయిన్ తో హీరో మాట్లాడే సన్నివేశం చాలా రోజులు గుర్తుండిపోతుంది. శ్రీ విష్ణు తండ్రిగా శివాజీ రాజా మంచి క్యారెక్టర్ తో అలరించాడు. వయస్సుకు తగ్గ పాత్రతో తన టైమింగ్ తో శివాజీ రాజా నటన బాగా ఆకట్టుకుంది. స్వేచ్ఛ పాత్రగా మారిన నివితా ఈ సినిమాకి బలంగా మారింది. అమ్మాయి నటనలో కనిపించే కాన్ఫిడెంట్ ఇట్టే ఆ పాత్రతో ప్రేమలో పడేలా చేస్తుంది. పాటలలో ‘చాల్లే పోరా చూసాంలేరా’ ఆ సిట్యువేషన్ ని బాగా ఎలివేట్ చేసింది.  స్వేచ్ఛలాంటి క్యారెక్టర్ ని డిజైన్ చేసిన రైటర్ కమ్ డైరెక్టర్  అభినందించాల్సిందే.  ఆ పాత్ర ని ఎక్కువగా ప్రేమించిన ప్రేక్షకులకు సెకండాఫ్ లో వచ్చే రేణు పాత్ర  కాస్త ఇబ్బందిగా నే అనిపిస్తుంది. అయినా ఆ ఇబ్బంది తక్కువ టైంలోనే ఒక ఎమోషనల్ టచ్ ఇచ్చాడు దర్శకుడు. నిదానంగా ఆ పాత్రలోని నిజాయితీకి కనెక్ట్ అవుతాము. తర్వాత వచ్చే ప్రతి సన్నివేశంలో హీరో కన్ ఫ్యూజన్ ఆడియన్స్ కన్ ఫ్యూజన్ ఒకేలా మారడం దర్శకుడు సాధించిన విజయం . చాలా సహాజంగా అనిపించే సన్నివేశాలు, మాటల మద్యలో మనసుల్లోకి చొచ్చుకొళ్ళే భావాలు, పాత్రలను మలిచిన తీరు లో దర్శకడుు చూపించిన పరిణితి సినిమా ఎక్స్ పీరియన్స్ ని దాటి ఒక లైఫ్ లో మరిచిపోలని అనుభూతి గా మారుతుంది. కథలో కలసిపోయే సాహిత్యం, సంగీతం సినిమాకి ప్రధాన ఆకర్షణగా మారాయి. ప్రశాత్ విహారి  స్వరాలు హాయిగా ఉన్నాయి. శ్రీ విష్ణు కి ఇది కెరియర్ టర్నింగ్ మూవీ అవుతుంది. అరవింద్ కృష్ణగా అతను చాలా కాలం గుర్తిండిపోతాడు. ఇక కథనం లో దర్శకుడు తీసుకున్న శ్రర్ధ చాలా బాగుంది. ఒక ఇంట్రెస్టింగ్ పాయింట్ దగ్గర కథకు బ్రేక్ ఇచ్చిన దర్శకుడు తర్వాత పదినిముషాలు ముందుకు వెళ్ళి  అదే కథను మరో విధంగా చెప్పాడు.  ఆ ప్రయత్నం మెంటల్ మదిలో కి కొత్తదనం అందించింది. రేణు పాత్ర చేసిన అమ్మాయి పాత్ర ఒక జర్క్ తో మొదలైనా ఆ పాత్ర ముగింపు ని అర్దవంతగా చేసాడు దర్శకుడు.  వివేక్ ఆత్రేయ, ప్రశాంత్ విహారి, శ్రీవిష్ణు, నివేతా వీరెరికీ పోస్టర్ వాల్యూ, అండ్ కాంబినేషన్ వాల్యూలేదు. కథను, దర్శకుడు ప్రతిభను మాత్రమే నమ్మి ముందుకు వెళ్ళి న రాజ్ కందుకూరి ఈ విషయంలో సక్సెస్ అయ్యాడు. కాంబినేషన్స్ చుట్టూ తిరగకుంటూ కథలను వెతకడంలో అతను పడ్డ శ్రమ మెంటల్ మదిలో సక్సెస్ గా మారింది. ఎదిగిన తర్వాత వచ్చిన దారిని మరిచిపోవడం ఇండస్ట్రీలో సహాజంగా జరిగేదే. కానీ ఎదిగిన దారిని మరిచిపోకుండూ కొత్త వారిని ప్రొత్సహించాలి మంచి కథలను మాత్రమే అందించాలనే నిర్మాతలు పరిశ్రమకు చాలా అవసరం. మెంటల్ మదిలో ప్రేక్షకులకు ఆకట్టుకోవడానికి ఈ అంశాలే ప్రధాన కారణం. 
సినిమా  మేకింగ్ లోనూ, ఆడియన్స్ అభిరుచిల్లోనూ చాలా మార్పులను ఈ సంవత్సరం చూసాం. ఫార్ములాలు, ఫోర్సడ్ కామెడీలకు మోహం మొత్తిన ప్రేక్షకులు వాటిని తిప్పికొడుతూనే ఉన్నారు. మెంటల్ మదిలో వాటికి భిన్నంగా ఆడియన్స్ ని ఎంటర్ టైన్ చేసింది. కథలో పాత్రలుగా మారిపోయే కాస్టింగ్ ఈమూవీకి ప్రధాన బలం.  పెళ్ళి చూపులు తర్వాత ఈ సినిమా తో  రాజ్ కందుకూరి తన సక్సెస్ టైం కలిసొచ్చి వచ్చింది కాదని నిరూపించాడు. 

చివరిగా:
రోమాంటిక్ కామెడీ జానర్ లో ఈ మూవీ ఒక రిఫరెన్స్ లా మిగిలుతుంది. ఏ కన్ ఫ్యూజన్ లేని ఆహ్లాదకరమైన సినిమా. 

--మాగల్ఫ్ రేటింగ్:3.5/5