సల్మాన్ను చంపేందుకు కుట్ర.!
- January 12, 2018బాలీవుడ్ హీరో సల్మాన్ ఖాన్ను చంపడానికి కొందరు దుండగులు ఆయన సినిమా 'రేస్ 3' సెట్ పరిసరాల్లోకి ప్రవేశించిన సంగతి తెలిసిందే. ఈ మేరకు పోలీసులు బాంద్రాలోని ఆయన ఇంటికి కట్టుదిట్టమైన భద్రతను ఏర్పాటు చేశారు. 'సల్మాన్, ఆయన కుటుంబ సభ్యులకు హానితలపెడుతామని బెదిరింపులకు పాల్పడటం ఇది తొలిసారి కాదు. అయినా సల్మాన్ బాడీగార్డులు లేకుండా బయటికి వస్తున్నారు.. ప్రమాదం జరిగే అవకాశాలు ఉన్నాయి. ఆయనకు మరింత భద్రత అవసరం' అని సీనియర్ ఇన్స్పెక్టర్ అన్నారు. మరోపక్క నిర్మాత రమేశ్ 'రేస్ 3' సినిమా సెట్కు భద్రత పెంచేందుకు సన్నాహాలు చేస్తున్నారట.
గురువారం పోలీసులు ముంబయి ఫిల్మ్సిటీలో 'రేస్ 3' సినిమా సెట్కు వెళ్లారు. షూటింగ్ ఆపాలని, వీలైనంత తొందరగా సల్మాన్ను తన ఇంటికి పంపించాలని నిర్మాత రమేశ్ తౌరాని కోరారు. అనంతరం స ల్మాన్ ఆరుగురు పోలీసులతో కలిసి వేరే కారులో ఇంటికి బయలుదేరారు. ఆయన సొంత కారులో మరికొందరు పోలీసులు ఇంటికి చేరుకున్నారు.
సల్మాన్ కొన్నేళ్ల క్రితం ఓ సినిమా షూటింగ్ కోసం జోధ్పూర్కు వెళ్లారు . ఈ క్రమంలో అక్కడ జింకను చంపాడన్న కారణంగా ఆయనపై కేసు నమోదైంది. ప్రస్తుతం తుది విచారణ జరుగుతోంది. విచారణలో భాగంగా ఇటీవల సల్మాన్ జోధ్పూర్ కోర్టుకు వెళ్లారు.
మరోకేసులో గ్యాంగ్స్టర్ లారెన్స్ బిష్నోయ్ను పోలీసులు అదే సమయంలో భద్రత మధ్య కోర్టుకు తీసుకొచ్చారు. ఈ సమయంలో లారెన్స్.. సల్మాన్ను చంపుతామని, ఆయనకు తమ పవర్ తెలియాలని బెదిరించాడు.
తాజా వార్తలు
- ఏపీలో ప్రభుత్వ ఉద్యోగులకు గుడ్న్యూస్..
- ఎన్నికల వేళ ఆంధ్రప్రదేశ్ డీజీపీ రాజేంద్రనాథ్ రెడ్డి పై ఈసీ బదిలీ వేటు
- వాట్సాప్ అకౌంట్ ‘రిస్ట్రిక్షన్’ ఫీచర్ వచ్చేస్తోంది..
- అబుదాబిలో ప్రధాని మోడీ గెలవాలని పూజలు
- కార్ మెకానిక్ పై దాడి.. కారు ఓనర్ కు 3ఏళ్ల జైలుశిక్ష
- షార్జా హడిబా క్షేత్రంలో కొత్త గ్యాస్ నిల్వలు
- కైరో వీధిలో కొత్త టన్నెల్ ప్రారంభం
- ఫుడ్ పాయిజనింగ్ ఘటనపై ఆరోగ్య మంత్రిత్వ శాఖ నివేదిక
- సముద్ర నౌకలను తనిఖీ చేసిన అధికారులు
- ఒమన్లో విస్తరిస్తున్న తుఫాన్..?