పుచ్చకాయ గింజల ఉపయోగాలు
- March 17, 2025
, by Maagulf
- పుచ్చకాయ గింజల్లో మెగ్నీషియం, జింక్, ఐరన్, ప్రోటీన్ వంటి అనేక పోషకాలు ఉంటాయి. వీటిలో యాంటీ-ఆక్సిడెంట్లు కూడా పుష్కలంగా ఉంటాయి, ఇవి ఫ్రీ రాడికల్స్ వల్ల కలిగే నష్టం నుండి మన శరీరాన్ని రక్షిస్తాయి. పుచ్చకాయ గింజలలో అధిక మొత్తంలో ఫైబర్ ఉంటుంది, ఇది జీర్ణక్రియను మెరుగుపరచడంలో సహాయపడుతుంది. ఇది మలబద్ధకం, అపానవాయువు, అజీర్ణం వంటి సమస్యలను తొలగించడంలో కూడా సహాయపడుతుంది.
- పుచ్చకాయలోని ఈ గింజలు.. చర్మం, జుట్టుకు కూడా మేలు చేస్తాయని అంటున్నారు.ఈ గింజలలో అధిక మొత్తంలో విటమిన్ ఎ, ఇ ఉన్నాయి, ఇవి చర్మం, జుట్టుకు మేలు చేస్తాయి. ఇది చర్మాన్ని ఆరోగ్యంగా, మెరిసేలా చేయడంలో సహాయపడుతుంది. జుట్టును బలంగా, ఒత్తుగా, పొడవుగా పెరిగేలా చేస్తుంది. పుచ్చకాయ గింజలతో మధుమేహాన్ని కూడా కంట్రోల్ చేయవచ్చునని నిపుణులు చెబుతున్నారు.
- పుచ్చకాయ లో మెగ్నీషియం, పొటాషియం వంటి ఖనిజాలు ఉన్నాయి, ఇవి రక్తంలో చక్కెర స్థాయిని నియంత్రించడంలో సహాయపడతాయి. డయాబెటిక్ రోగులకు ఇది ఉపయోగకరంగా ఉంటుంది.
- ఈ గింజలు తినటం వల్ల రోగనిరోధక శక్తిని పెంచుతుంది.పుచ్చకాయ గింజల్లో యాంటీఆక్సిడెంట్లు, విటమిన్ ఇ పుష్కలంగా ఉన్నాయి.
