జెద్దా: జెడ్డా ఇస్లామిక్ పోర్ట్ ద్వారా 40 కిలోగ్రాముల కొకైన్‌ను అక్రమంగా రవాణా చేసే ప్రయత్నాన్ని సౌదీ అరేబియా జకాత్, పన్ను మరియు కస్టమ్స్ అథారిటీ (ZATCA) భగ్నం చేసింది. మెడిసిన్ గా ప్రకటించిన షిప్ మెంట్లో మాదకద్రవ్యాలను దాచిపెట్టినట్లు అధికారులు గుర్తించారు.

ZATCA ప్రకారం.. షిప్ మెంట్ పై అనుమానం రావడంతో అధునాతన భద్రతా స్క్రీనింగ్, డిటెక్షన్ డాగ్‌లతో తనిఖీలు చేశారు.దాంతో అందులో కొకైన్ దాచినట్లు గుర్తించారు.  జనరల్ డైరెక్టరేట్ ఆఫ్ నార్కోటిక్స్ కంట్రోల్‌ సమన్వయంతో ఈ ఆపరేషన్ ను నిర్వహించారు.  

ప్రత్యేక హాట్‌లైన్ ద్వారా అనుమానాస్పద కార్యకలాపాలను నివేదించడం ద్వారా అక్రమ రవాణాను ఎదుర్కోవడంలో జాతీయ ప్రయత్నాలకు మద్దతు ఇవ్వాలని ప్రజలను జాక్టా కోరింది. సమాచారం అందించిన వారి వివరాలను గోప్యంగా పెడతామని హామీ ఇచ్చారు.