యూఏఈ: యూఏఈ అధ్యక్షుడు పౌరులకు సంబంధించిన Dh139 మిలియన్లకు పైగా అప్పులను మాఫీ చేశారు. దాంతో పదవీ విరమణ చేసినవారు, సామాజిక సహాయ వర్గాలతో కూడిన 222 మంది పౌరులకు డిఫాల్ట్ డెట్ సెటిల్‌మెంట్ ఫండ్ ద్వారా రుణాలు తిరిగి చెల్లించకుండా మినహాయింపు లభించింది. నిధి కింద 132 మంది పదవీ విరమణ చేసిన వారికి, Dh86.476 మిలియన్లకు పైగా అప్పులు మాఫీ చేయగా, 90 మంది పౌరులకు చెందిన Dh53.403 మిలియన్లకు పైగా అప్పులు సామాజిక సహాయ వర్గం కింద మినహాయింపు ఇచ్చారు. ఈద్ అల్ అధా పండుగ సందర్భంగా ప్రపంచవ్యాప్తంగా ముస్లింలు దాతృత్వ కార్యక్రమాలలో గడిపే ధుల్ హిజ్జా మొదటి 10 రోజులలో ఈ మేరకు నిర్ణయం తీసుకున్నారు.