కువైట్: కువైట్ లో గ్యాస్ సరఫరా కష్టాలు ముగిసాయని అధికారులు ప్రకటించారు. స్థానిక మార్కెట్లో సరఫరాను కొనసాగించే ప్రయత్నాలలో భాగంగా కువైట్ ఆయిల్ ట్యాంకర్ కంపెనీ (KOTC) 45,000 కొత్త 12-కిలోల గ్యాస్ సిలిండర్లను కొత్తగా దిగుమతి చేసుకుందని ప్రకటించింది. గ్యాస్ సరఫరాలో అంతరాన్ని తగ్గించడంతోపాటు అధిక నాణ్యత, భద్రతా ప్రమాణాల మేరకు కొత్తగా 350,000 గ్యాస్ సిలిండర్లను తయారు చేయడానికి ఒక ఒప్పందం కుదుర్చుకున్నట్లు తెలిపారు. గ్యాస్ సిలిండర్ల క్రమం తప్పకుండా లభ్యత ఉందని, వినియోగదారుల అవసరాలకు సరఫరా జరుగుతుందని, స్థానిక ఇంధన సరఫరా వ్యవస్థకు మద్దతు ఇవ్వడంలో తన నిబద్ధతను కొనసాగిస్తామని కేవోటిసీ వెల్లడించింది.