యూఏఈ: ఆసియన్ వ్యక్తి నుండి 45,000 దిర్హామ్‌లను దొంగిలించడానికి ప్రయత్నించిన నకిలీ పోలీస్ అధికారికి దుబాయ్ క్రిమినల్ కోర్టు మూడు నెలల జైలు శిక్ష విధించింది. 45 ఏళ్ల గల్ఫ్ జాతీయుడు నైఫ్ ప్రాంతంలోని కరెన్సీ ఎక్స్ఛేంజ్ సమీపంలో బాధితుడిని దోచుకోవడానికి ప్రయత్నించాడు ఈ సంఘటన ఏప్రిల్‌లో జరిగింది.  బాధితుడు 45,000 దిర్హామ్‌లను యూఎస్ డాలర్లుగా మార్చడానికి కరెన్సీ ఎక్స్ఛేంజ్‌ను సందర్శించాడు. కానీ తక్కువ రేటు కారణంగా ముందుకు వెళ్లవద్దని నిర్ణయించుకున్నాడు.

కేసు రికార్డుల ప్రకారం.. అతను ప్రాంగణం నుండి బయటకు రాగానే, నిందితుడు, ఇతరులు పోలసు అధికారులమని తన బ్యాగ్‌ను తీసుకోవడానికి ప్రయత్నించారని బాధితుడు దర్యాప్తు సంస్థలకు చెప్పాడు.  దుబాయ్ పోలీసులు దర్యాప్తు ప్రారంభించారు. సంబంధిత వాహనాన్ని గుర్తించారు. ఒక పిల్లల పేరుతో నమోదు చేయబడినప్పటికీ, కారు నిందితుడి సోదరుడి ఆధీనంలో ఉందని గుర్తించారు.