యూఏఈ: షార్జాలోని పారిశ్రామిక ప్రాంతం 10లోని ఉపయోగించిన ఆటో విడిభాగాల గోడౌన్ లో శుక్రవారం అగ్నిప్రమాదం చోటుచేసుకుందని షార్జా పోలీసులు Xలో పోస్ట్‌లో వెల్లడించారు.  షార్జా సివిల్ డిఫెన్స్, ఇతర సంబంధిత అధికారుల సమన్వయంతో అత్యవసర బృందాలు సంఘటనా స్థలానికి చేరుకుని, మంటలను అదుపు చేసాయని తెలిపారు.

మంటలను ఇతర ప్రాంతాలకు వ్యాపించకుండా తగిని చర్యలు తీసుకున్నారని పేర్కొన్నారు.  కాగా, ఇండస్ట్రియల్ ఏరియా 6 నుండి భారీగా మంటలు, పొగ వెలువడ్డాయని ప్రత్యక్ష సాక్షులు తెలిపారు. అందరూ భయంతో పెరుగులు పెట్టడం చూసినట్లు తెలిపారు. ప్రమాదానికి గల కారణాలపై దర్యాప్తు చేస్తున్నట్లు వెల్లడించారు. అయితే, ఈ ప్రమాదంలో ఎవరికీ గాయాలు కాలేదని తెలిపారు.