రియాద్: కార్మికుల గౌరవాన్ని కాపాడటం, తప్పుదారి పట్టించే ప్రమోషన్లను అరికట్టడం, పారదర్శకతను నిర్ధారించడం లక్ష్యంగా మానవ వనరులు, సామాజిక అభివృద్ధి మంత్రిత్వ శాఖ గృహ కార్మిక సేవలను ప్రకటించడానికి కఠినతరమైన నిబంధనలను ప్రతిపాదించింది.

“ఇస్తిట్లా” పబ్లిక్ కన్సల్టేషన్ ప్లాట్‌ఫామ్‌లో పోస్ట్ చేయబడిన “గృహ కార్మిక సేవలను ప్రకటించడానికి నిబంధనలు” అనే ముసాయిదా ప్రకారం.. విదేశీ లేదా గృహ కార్మికుల గౌరవాన్ని దెబ్బతీసే పదాలు లేదా పదబంధాలను కలిగి ఉన్న ప్రకటనలను నిషేధిస్తుంది.  ఇది ప్రత్యక్షంగా లేదా పరోక్షంగా కస్టమర్లను మోసం చేసే తప్పుడు లేదా తప్పుదారి పట్టించే ప్రకటనలను నిషేధిస్తుంది.

లైసెన్స్ పొందిన సర్వీస్ ప్రొవైడర్ పేరు, లోగో, రిజిస్టర్డ్ ట్రేడ్‌మార్క్, లైసెన్స్ పొందిన సంస్థ ద్వారా సేవ అందించబడిందని నిర్ధారించే ప్రకటనను ప్రదర్శించాలని నిబంధన విధించారు. వ్యక్తులను చూపించడం లేదా వారి అనుమతి లేకుండా ఫోటోలను ఉపయోగించడాన్ని నిషేధించారు. ఇకపై గ్రూప్ ఇంటర్వ్యూలను నిషేధించారు. వ్యక్తిగత ఇంటర్వ్యూలు మాత్రమే అనుమతించనున్నారు.