దోహా: ఖతార్ ఫోటోగ్రఫీ అవార్డు కోసం దరఖాస్తులు ప్రారంభమైన్లు ఖతార్ సాంస్కృతిక మంత్రిత్వ శాఖ వెల్లడించింది.  ఆగస్టు 10 నుండి అక్టోబర్ 2 వరకు ఆసక్తి ఉన్నవారు దరఖాస్తులను సమర్పించాలని సూచించారు.  ఈ అవార్డు వయస్సు లేదా అనుభవంతో సంబంధం లేకుండా, ఆరు ప్రధాన విభాగాలలో ఫోటోగ్రాఫర్‌లు తమ ఎంట్రీలను పంపాలన్నారు. 

విజేతలకు QR 2 మిలియన్లకుపైగా బహుమతులను అందజేస్తామని తెలిపారు. ఖతార్ విభాగంలో మొదటి స్థానంలో నిలిచిన వారికి QR 300,000 వరకు గ్రాండ్ ప్రైజ్ ఇవ్వనున్నారు. ఇతర కేటగిరీలు మొదటి స్థానంలో నిలిచిన వారికి QR 150,000, రెండవ స్థానంలో నిలిచిన వారికి QR 100,000 మరియు మూడవ స్థానంలో నిలిచిన వారికి QR 75,000 బహుమతులు అందించనున్నారు.

దరఖాస్తుకు జతచేసే ఫోటోలను ప్రొఫెషనల్ కెమెరాలతో మాత్రమే తీసినవై ఉండాలని, కంప్యూటర్, కృత్రిమ మేధస్సు సాంకేతికతలను ఉపయోగించి తీసినవి కాకుడదన్నారు. ఇక లోగోలు లేదా వాటర్‌మార్క్‌ల వాడకాన్ని కూడా నిషేధించినట్లు ఖతార్ ఫోటోగ్రఫీ సెంటర్ డైరెక్టర్ జాసిమ్ అహ్మద్ అల్ బుయైనైన్ తెలిపారు.