కవైట్: కువైట్ బ్యాంకులలో త్వరలో ప్రసిద్ధ రాఫెల్స్ ఫ్రైజ్ డ్రాలు ప్రారంభం కానున్నాయి.  ఈ మేరకు ఒక తీర్మానాన్ని కువైట్ వాణిజ్య మరియు పరిశ్రమల మంత్రిత్వ శాఖ ఆమోదించింది. త్వరలోనే ఆసక్తిగా ఉన్న బ్యాంకులకు లైసెన్సులను జారీ చేయనున్నట్లు పేర్కొంది. బ్యాంకులపై పూర్తి పర్యవేక్షణ బాధ్యతలను కువైట్ సెంట్రల్ బ్యాంకుకు అప్పగించినట్లు వెల్లడించింది.

గతంలో పలు అవినీతి ఆరోపణలు రావడంతో రాఫెల్ డ్రాలను కువైట్ సెంట్రల్ బ్యాంకు నిషేధించింది. విచారణకు ప్రత్యేక కమిటీని నియమించింది. ఇటీవల కమిటీ నివేదికను అందజేసింది. నివేదికను సమీక్షించి వాణిజ్య మంత్రిత్వశాఖ.. దాదాపు ఐదు నెలల తర్వాత కస్టమర్లను ఆకర్షించడానికి ఫ్రైజ్ డ్రాలను నిర్వహించేందుకు బ్యాంకులను అనుమతించారు.