దోహా: ఖతార్ లో విద్యార్థుల ఆరోగ్యాన్ని కాపాడటానికి పాఠశాల క్యాంటీన్లపై పర్యవేక్షణను ముమ్మరం చేసినట్లు పబ్లిక్ హెల్త్ మంత్రిత్వ శాఖ (MoPH)  వెల్లడించింది. ఈ మేరకు పాఠశాల క్యాంటీన్లకు ఆహార సరఫరాదారుల అర్హతకు సంబంధించి ఒక సమగ్ర ప్రణాళికను అభివృద్ధి చేసినట్లు తెలిపింది. సరఫరాదారులు అన్ని ఆరోగ్య అవసరాలు మరియు ఆహార భద్రతా ప్రమాణాలను పాటించాలని ఈ సందర్భంగా సూచించింది. ప్రమాణాలను నిర్ధారించడానికి ప్రజారోగ్య మంత్రిత్వ శాఖలోని ఆహార భద్రతా విభాగం నిరంతరం తనిఖీలు నిర్వహిస్తుందని వెల్లడించింది. 

అన్ని పాఠశాలలు, కిండర్ గార్టెన్లు మరియు నర్సరీలలో తాగునీటి సమగ్ర సర్వేను చేపట్టి, అది ఆరోగ్య ప్రమాణాలకు అనుగుణంగా ఉందో లేదో ఫుడ్ సేఫ్టీ ఇన్ స్పెక్టర్లు తనిఖీలు చేస్తారని తెలిపింది. అన్ని స్థాయిలలోని పాఠశాల క్యాంటీన్ లలో నిరంతరం తనిఖీలు జరుగుతాయని వెల్లడించింది. విద్యార్థులలో ఆహార భద్రత సంస్కృతిని పెంపొందించడం దీని లక్ష్యమని మంత్రిత్వ శాఖ తెలిపింది.  

ఖతార్ రాష్ట్రంలోని పాఠశాల విద్యార్థుల ఆరోగ్యాన్ని ప్రోత్సహించడానికి ప్రజారోగ్య మంత్రిత్వ శాఖ చేస్తున్న ప్రయత్నాలలో భాగంగా అల్-సైలియా స్పోర్ట్స్ క్లబ్ యూత్ డివిజన్ సహకారంతో 'అవర్ అండ్ అవర్ ప్రోగ్రామ్' నిర్వహించిన 'బ్యాక్ టు స్కూల్' కార్యక్రమంలో మంత్రిత్వ శాఖ పాల్గొంది. ఆరోగ్య ప్రమోషన్ విభాగం నిర్వహించిన ప్రత్యేక స్టాండ్ ద్వారా ప్రజారోగ్య మంత్రిత్వ శాఖ పాల్గొంది. స్టాండ్ వద్ద, మంత్రిత్వ శాఖ ప్రతినిధులు విద్యార్థులు మరియు తల్లిదండ్రులకు ఆరోగ్యకరమైన పోషకాహారం, శారీరక శ్రమ మరియు ఆదర్శ స్కూల్ బ్యాగ్‌కు సంబంధించిన ఆరోగ్య మార్గదర్శకాలకు సంబంధించి అవగాహన కల్పించారు.