వంకాయ గోంగూర మసాలా
కావలిసిన పదార్ధాలు
వంకాయలు - ఆరడజను
గోంగూర - ఒక కట్ట
ఉల్లిపాయులు - మూడు
పచ్చిమిర్చి - రెండు
దనియాల పొడి - ఒక స్పూను
దాల్చిన చెక్క పొడి - అర టీస్పూను
అల్లం వెల్లుల్లి పేస్ట్‌ - అర టీ స్పూను
ఉడికించిన కొమ్ము శనగలు - ఒక కప్పు
ఉప్పు - తగినంత
పసుపు - చిటికెడు
గరం మసాలా - ఒక స్పూను
నూనె - తగినంత
తయారీ విధానం
ముందుగా కొమ్ము శనగలను కుక్కర్‌లో ఒక విజిల్‌ వచ్చేంత వరకూ ఉడికించి పక్కన పెట్టాలి. ఇప్పుడు ఒక బాణలిలో నూనె పోసి దానిలో ఉల్లిముక్కలు, పచ్చిమిర్చి ముక్కలు వేసి వేగాక గోంగూరను వేసి కొంచెం సేపు మూత పెట్టి మగ్గనిచ్చి,తరువాత వంకాయ ముక్కలను వేసి మగ్గనిచ్చి కొద్డిగా దనియాల పొడి, దాల్చిన చెక్క పొడి, అల్లం వెల్లుల్లి పేస్ట్‌, ఉప్పు, కారం, పసుపు వేసి కొద్దిగా నీళ్లు వేసి మూత పెట్టేయ్యాలి. కొంత సేపయ్యాక ఉడికించి పెట్టుకున్న శనగలను వేసి ఒక ఐదు నిముషాలు ఉడికించి చివరిగా గరం మసాలా పొడి వేసి స్టవ్‌ ఆఫ్‌ చెయ్యాలి. చివరిగా కొత్తిమీర తురుముతో గార్నిష్‌ చేస్తే వంకాయ గోంగూర మసాలా కర్రీ రెఢీ.