మస్కట్: హెరిటేజ్ అండ్ టూరిజం మంత్రిత్వ శాఖ (MHT) ఒమన్ బొటానిక్ గార్డెన్ ప్రాజెక్టును మస్కట్ మునిసిపాలిటీకి అప్పగించింది.పర్యాటకం, సైన్స్, పరిశోధన మరియు వారసత్వ సంరక్షణకు పేరుగాంచిన ఒమన్ బొటానిక్ గార్డెన్ ప్రాజెక్ట్ లో అనేక రకాల స్థానిక మొక్కలు, అరుదైన చెట్లు ఉన్నాయి. 

ఈ సందర్భంగా పర్యావరణ పరిరక్షణ గురించి ప్రజలలో అవగాహనను పెంచుతున్నారు. ప్రత్యేకమైన మొక్కల జీవవైవిధ్యాన్ని కాపాడటంలో ఈ వ్యూహాత్మక ప్రాజెక్ట్ కీలక పాత్ర పోషిస్తుంది. అలాగే,ఈ ప్రాంతంలో పర్యావరణ పర్యాటకం, పర్యావరణ విద్యకు ఇది కీలక కేంద్రగా మారుతుందని వెల్లడించారు.

ఈక్రమంలో మస్కట్ మునిసిపాలిటీ అల్ ఖౌద్ విలేజ్ రోడ్‌లో 1.4 కి.మీ డ్యూయల్ క్యారేజ్‌వేను ప్రారంభించింది.ఈ రహదారిలో ప్రతి దిశలో రెండు లేన్‌లు, పుట్ పాత్ వేలు, ఒమన్ బొటానిక్ గార్డెన్ వైపు ట్రాఫిక్ సాఫీగా సాగడానికి తగిన చర్యలు తీసుకుంటున్నట్లు తెలిపారు.  మస్కట్ అంతర్జాతీయ విమానాశ్రయం నుండి సుమారు 35 కి.మీ దూరంలో ఉన్న ఒమన్ బొటానిక్ గార్డెన్ ఈ ప్రాంతం గొప్ప వృక్షశాస్త్ర వారసత్వాన్ని ప్రతిబింబించే సహజ ఆవాసాలను కేంద్రంగా ఉందని పేర్కొన్నారు.