మస్కట్: ఒమన్ లో వినియోగదారుల రక్షణకు క్వాలిటీ మార్క్‌ ను తప్పనిసరి చేశారు. ఈ మేరకు వాణిజ్యం, పరిశ్రమ మరియు పెట్టుబడి ప్రమోషన్ మంత్రిత్వ శాఖ (MoCIIP) ఉత్తర్వులు జారీ చేసింది. ఈ ఉత్తర్వుల ప్రకారం.. ఒమన్ లోని తయారీదారులు, దిగుమతిదారులు మరియు రిటైల్ మరియు పంపిణీ సంస్థలు స్థానిక మార్కెట్‌లో విక్రయించే ఉత్పత్తులపై ఒమానీ క్వాలిటీ మార్క్‌ను ఉపయోగించడానికి లైసెన్స్ పొందాల్సి ఉంటుంది.  వీటిని డైరెక్టరేట్ జనరల్ ఆఫ్ స్టాండర్డ్స్ అండ్ మెట్రాలజీ జారీ చేస్తుందని తెలిపింది.  లైసెన్స్‌ ను పొందడానికి లేదా పునరుద్ధరణకు కంపెనీలు హజ్మ్ ప్లాట్‌ఫామ్ ద్వారా దరఖాస్తులను సమర్పించాలని ఉత్తర్వుల్లో పేర్కొన్నారు.