పురుషుల 400 మీటర్ల పరుగులో దక్షిణాఫ్రికాకు చెందిన వాన్‌ నియోకెర్క్‌ ప్రపంచ రికార్డు సృష్టించాడు. నిర్ణీత లక్ష్యాన్ని 43.03 సెకన్లలో చేరుకొని ఈ ఘనతను అందుకున్నాడు. తర్వాత స్థానాల్లో గ్రెనడాకు చెందిన జేమ్స్‌ కిరానీ, అమెరికాకు చెందిన మెరిట్టీ లాస్వన్‌ నిలిచారు.
* పురుషుల వ్యక్తిగత ఒమ్నియం సైక్లింగ్‌ పర్సూట్‌ విభాగంలో డానిష్‌కు చెందిన లాసే నోర్మన్‌ హాన్సెన్‌ నిర్ణీత లక్ష్యాన్ని 4 నిమిషాల 14.98 సెకన్లలో చేరుకొని కొత్త ఒలింపిక్‌ రికార్డును సృష్టించాడు.
* బ్రిటన్‌కు చెందిన రెబెక్కా జేమ్స్‌ మహిళ స్ప్రింట్‌ అర్హత పోటీల్లో నిర్ణీత లక్ష్యాన్ని 10.72 సెకన్లలో చేరుకొని ఒలింపిక్‌ రికార్డు సృష్టించింది.
* రష్యాకు చెందిన సెర్జీ కమెన్సీకీ పురుషుల 50 మీటర్ల 3పోస్‌ అర్హత పోటీల్లో ఒలింపిక్‌ రికార్డును సొంతం చేసుకున్నాడు. దీనిలో దాదాపు 1184-67ఎక్స్‌ పాయింట్లు సాధించి ఒలింపిక్‌ రికార్డును సొంతం చేసుకున్నారు.