32 ఏళ్ళ మహిళ ఒంటరిగా వెళుతున్న సమయంలో ఆమెను కొందరు ఆకతాయిలు వేధిస్తున్నారు. వాహనాల్లో నెమ్మదిగా వస్తూ, 'రేటెంత' అని అడుగుతుండడంతో ఆమె తీవ్ర ఆవేదనకు గురవుతున్నారు. ఇలాంటి ఘటనలు అల్‌ ఖువాయిర్‌ ప్రాంతంలో నిత్యకృత్యమైపోయాయని అక్కడి ప్రజలు ఆందోళన వ్యక్తం చేస్తున్నారు. అధికారులు తమ పరిస్థితిని అర్థం చేసుకుని తగు చర్యలు తీసుకోవాలని వారు కోరుతున్నారు. 14 నుంచి 15 ఏళ్ళలోపు యువకులు ఎక్కువగా ఇలాంటి చర్యలకు పాల్పడుతున్నారని వారు వాపోతున్నారు. రాయల్‌ ఒమన్‌ పోలీసు వర్గాలు తనిఖీలు నిర్వహిస్తున్నా, చాలా సందర్భాల్లో యువత తప్పించుకుంటున్నారనీ, 14 నుంచి 15 ఏళ్ళ లోపు వారే కావడంతో వారి పట్ల ఎవరికీ అనుమానం రావడంలేదని బాధితులు వాపోయారు. పోలీసులకు ఇప్పటికే ఈ విషయంపై పలుమార్లు ఫిర్యాదు చేసినట్లు వారు తెలిపారు.