రామ్‌ కథానాయకుడిగా 14రీల్స్‌ ఎంటర్‌టైన్‌మెంట్‌ పతాకంపై తెరకెక్కుతున్న 'హైపర్‌' చిత్రం వైజాగ్‌ షూటింగ్‌ షెడ్యూల్‌ పూర్తైంది. తర్వాతి షెడ్యూల్‌ను రేపటి నుంచి హైదరాబాద్‌లో ప్రారంభించనున్నట్లు చిత్ర నిర్మాణ సంస్థ సోషల్‌మీడియా ద్వారా తెలిపింది. చిత్రాన్ని సెప్టెంబరు 30న విడుదల చేయడానికి సన్నాహాలు చేస్తున్నట్లు పేర్కొంది. ఈ సందర్భంగా సెట్‌లో తీసిన ఒక ఫొటోను అభిమానులతో పంచుకుంది. రామ్‌ ఆచంట, గోపీచంద్‌ ఆచంట, అనిల్‌ సుంకర ఈ చిత్రానికి నిర్మాతలుగా వ్యవహరిస్తున్నారు. వినోదానికి ప్రాధాన్యమిస్తూ తెరకెక్కిస్తున్న యాక్షన్‌ చిత్రమిది. సత్యరాజ్‌, రావు రమేష్‌, మురళీశర్మ, పోసాని, ప్రభాస్‌ శ్రీను, తులసి, హేమ తదితరులు ఈ చిత్రంలో ప్రధాన పాత్రలు పోషిస్తున్నారు.