టోమాటోల్లో యాంటీ ఆక్సిడెంట్లు పుష్కలంగా ఉంటాయి. ఇవి శరీరంలోని వ్యర్ధ పదార్ధాలను, మలినాలను బయటికి పంపడానికి ఎంతగానో తోడ్పడతాయి. అందుకే టోమాటోలను ఎక్కువగా తీసుకోవడం వల్ల రోగ నిరోధరక శక్తి పెరుగుతుంది. టొమాటోలోని విటమిన్‌ సి శరీరానికి తక్షణ శక్తి అందేందుకు తోడ్పడుతుంది. అంతేకాదు భయంకరమైన కాన్సర్‌ కారకాలను దూరం చేయడానికి తోడ్పడుతుంది. ముఖ్యంగా ఆస్తమా ఉన్నవారికి టోమాటో వాడకం చాలా వరకూ ఉపశమనం అని చెప్పవచ్చు. టొమాటోలోని లైకోపీన్‌, విటమిన్‌ ఎ ఆస్తమాతో నిరంతర పోరాటం చేయడంలో కీలక పాత్ర వహిస్తాయి. అస్తమా రోగులు ప్రతిరోజూ కనీసం ఒకటి గానీ రెండు గానీ టొమాటోలు తమ ఆహారంలో ఉండేలా చూసుకోవాలి. అంతేకాదు. టొమాటోలు తీసుకోవడం వల్ల శరీరానికి సరిపడా కాల్షియం అందుతుంది. దీని వల్ల ఎముకలు గట్టిపడి, భవిష్యత్తులో కీళ్ల నొప్పుల వంటి సమస్యలు తలెత్తే అవకాశాలు తగ్గుతాయి. అందుకే ప్రతి ఒక్కరూ తమ ఆహారంలో టొమాటో వాడకాన్ని ఖచ్చితంగా ఉండేలా చూసుకోవడం ఆరోగ్యానికి ఎంతో మంచిది.