మోహన్‌లాల్‌, ప్రియదర్శన్‌ కాంబినేషన్‌లో రూపొంది మాలీవుడ్‌ బాక్సాఫీస్‌ వద్ద కలెక్షన్ల సునామీ సృష్టిస్తున్న చిత్రం 'ఒప్పమ్‌'. క్రైమ్‌ థ్రిల్లర్‌గా తెరకెక్కిన ఈ చిత్రంలో మోహన్‌లాల్‌ పుట్టుకతోనే అంధుడు. అంధుడైనప్పటికీ శబ్ధం, స్పర్శ, వాసన వంటి అంశాలతో మనుషులను, వస్తువులను పసిగట్టడంలో దిట్ట. ఓ అపార్ట్‌ మెంట్‌లో ఎలివేటర్‌ ఆపరేటర్‌గా పని చేస్తున్న ఆయన అనుకోకుండా ఓ రోజు ఒక మర్డర్‌ కేసులో ఇరుక్కుంటాడు. అతని శక్తి సామర్థ్యాలే ఆయుధాలుగా మలుచుకుని ఆ కేసులో నుంచి ఎలా బయట పడ్డాడనే నేపథ్యంతో ఈ చిత్రాన్ని దర్శకుడు ప్రియదర్శన్‌ రూపొందించారు. ప్రస్తుతం కేరళలో సంచలనం క్రియేట్‌ చేస్తున్న ఈచిత్రం తమిళంలో రీమేక్‌ కానుంది.కమల్‌హాసన్‌ కథానాయకుడిగా సముద్రఖని దర్శకత్వంలో ఈ చిత్రాన్ని రీమేక్‌ చేసేందుకు రంగం సిద్ధం చేస్తున్నారు. 'ఒప్పమ్‌' వంటి చిత్రాన్ని రీమేక్‌ చేయటం ఆనందంగా, గర్వంగా ఉంది. త్వరలోనే ఈ చిత్రం సెట్స్‌పైకి వెళ్ళనుంది' అని దర్శకుడు సముద్రఖని ట్వీట్‌లో పేర్కొన్నారు.