ఐఎస్‌ఎస్‌ఎఫ్‌ జూనియర్‌ ప్రపంచకప్‌ షూటింగ్‌లో భారత్‌ పతకాల వేట కొనసాగుతోంది. తాజాగా షూటర్‌ అర్జున్‌ బబూటా 10మీటర్ల ఎయిర్‌ రైఫిల్‌ విభాగంలో కాంస్యంతో ఆకట్టుకున్నాడు. తొలి రోజు మూడు స్వర్ణాలతో ఏడు పతకాలు, రెండో రోజు జరిగిన పోటీల్లో ఓ స్వర్ణంతో పాటు రెండు రజతాలు, మూడు కాంస్య పతకాలను భారత్‌ షూటర్లు సాధించారు. దీంతో మొత్తం 14 పతకాలు భారత్‌ ఖాతాలో చేరాయి. పతకాల పట్టికలో రష్యా అగ్రస్థానంలో కొనసాగుతుండగా భారత్‌ రెండో స్థానంలో ఉంది.