మిస్‌ ఇండీవుడ్‌- 2016' టైటిల్‌ను కాళికట్‌కు చెందిన పూజామోహన్‌ గెలుచుకున్నారు. రామోజీ ఫిలింసిటీలో జరుగుతున్న ఇండీవుడ్‌ ఫిల్మ్‌ కార్నివాల్‌ వేడుకల్లో మూడో రోజు పలువురు మోడళ్లు ర్యాంప్‌ వాక్‌ చేశారు. ఈ సందర్భంగా ముంబయికి చెందిన జోబిత మొదటి రన్నరప్‌గా నిలిచారు. త్రివేండ్రం రాష్ట్రానికి చెందిన రేవతి రెండో స్థానం కైవసం చేసుకున్నారు. వివిధ ప్రాంతాల నుంచి వచ్చిన 12మంది మోడల్స్‌ ఈ పోటీలో పాల్గొన్నారు. తొలుత తెలంగాణ నారాయణపేట ప్రాంతానికి చెందిన మోడల్స్‌ చేనేత వస్త్రాలు ధరించి ర్యాంప్‌ వాక్‌ చేశారు. ఈ సందర్భంగా ఏర్పాటు చేసిన సూఫీ సంగీతం ఆహూతులను అలరించింది.టాలీవుడ్‌ నటుడు సుమంత్‌, భోజ్‌పురి నటుడు రవికిషన్‌ విజేతలకు టైటిల్‌ను అందజేశారు. కార్యక్రమంలో తెలుగు, తమిళం, కన్నడ, హిందీ చిత్రసీమకు చెందిన నటీనటులు పాల్గొన్నారు.