సూపర్‌స్టార్‌ రజనీకాంత్‌ కథానాయకుడిగా శంకర్‌ దర్శకత్వంలో తెరకెక్కుతున్న చిత్రం '2.0'. 2010లో విడుదలై విజయం సాధించిన 'రోబో'కి సీక్వెల్‌గా రూపొందిస్తున్న ఈ చిత్రం సెట్‌లో రజనీకాంత్‌, శంకర్‌ ఉన్న ఒక ఫొటో ప్రస్తుతం సోషల్‌మీడియాలో చక్కర్లు కొడుతోంది. శంకర్‌.. రజనీకాంత్‌కు ఏదో సన్నివేశాన్ని సీరియస్‌గా వివరిస్తుండగా, సూపర్‌స్టార్‌ ఆసక్తిగా దాన్ని వింటున్నట్లు ఈ ఫొటోలో కనిపిస్తోంది. ఈ చిత్రం ఫస్ట్‌లుక్‌ను నవంబరులో విడుదల చేయనున్నట్లు సమాచారం.లైకా ప్రొడక్షన్స్‌ పతాకంపై నిర్మిస్తున్న ఈ చిత్రానికి ఎ.ఆర్‌. రెహమాన్‌ సంగీతం సమకూరుస్తున్నారు.