ఉగ్రవాదులు దారుణమారణకాండకు లక్ష్యాలను ఎంచుకుని ఆత్మాహుతి దాడులు చేసుకుంటూ ఉంటారు. వారు చస్తూ అమాయకప్రజల్ని చంపుతారు. అయితే ఈ సంఘటనలో మాత్రం వారి పరిస్థితి తాము తీసుకున్న గోతిలో తామే పడ్డట్టు అయింది. బెల్టుకు కట్టి ఉన్న బాంబులు పొరపాటున పేలిపోవడంతో 16మంది ఉగ్రవాదులు చనిపోయారు. ఇరాక్‌లోని హవిజా జిల్లాలో ఐసిస్‌ ఉగ్రవాదులు సమావేశం జరుగుతుండగా ఉన్నట్టుండి బెల్టు బాంబులు పేలిపోయాయి. దాంతో ఐసిస్‌ సీనియర్‌ నేతతో పాటు 16 మంది ఉగ్రవాదులు అక్కడికక్కడే మృతిచెందారు. మరో 16 మంది తీవ్రంగా గాయపడినట్లు అల్‌ సుమారియా అనే ఇరాకీ టీవీ ఛానెల్‌ వెల్లడించింది.