ఈ శుక్రవారం మధ్యాహ్నం రెండు గంటలకు  సుమారు  దుబాయి, డ్రాగన్ మార్ట్ వెనుక ఉన్న రెండు గోడౌన్లు పాక్షికంగా దగ్ధమైయ్యాయి. ఈ సమాచారం అందుకున్న దుబాయి సివిల్ డెఫెన్స్ శాఖ వారి కరమా, రషీదియా, అల్ రాస్ మరియు పోర్ట్ సయీద్ లలోని అగ్నిమాపక దళాలు ఘటనా స్థలానికి వెళ్ళి, అరగంటలోగా మంటలను ఆర్పివేశాయి. ఒకరు గాయపడినట్టు శాఖ వారి సమాచారం. ఇక, షార్జా లోని అల్ మజాజ్ ఏరియాలో గురువారం సాయంత్రం ఒక నిర్మాణంలో ఉన్న 22 అంతస్తుల భవనం లో మంటలు రేగగా, చురుగ్గా స్పందించిన షార్జా సివిల్ డెఫెన్స్ అధికారులు, పక్క భవనాలకూ వ్యాప్తించకుండా నిరోధించి, అక్కడి ప్రజలను, కార్లు, వాహనాలను సురక్షిత ప్రదేశాలకు తరలించడంతో పెద్ద ప్రమాదం తప్పింది.

--సి.శ్రీ(దుబాయ్)