ఐరోపాకు వెళ్లేందుకుగాను మధ్యధరా సముద్రంలో ప్రమాదకర రీతిలో ప్రయాణిస్తున్న 104 మంది ఆఫ్రికా వలసదారులను స్పెయిన్‌ సముద్ర రక్షక దళాలు ఆదివారం రక్షించాయి. స్పెయిన్‌ ద్వీపమైన అల్బోరన్‌కు ఈశాన్య ప్రాంతంలో వలసదారుల పడవను గుర్తించినట్లు అధికారవర్గాలు వెల్లడించాయి. పడవలో వారంతా ప్రమాదకర రీతిలోప్రయాణిస్తుండటంతో.. వారిని తీరానికి సురక్షితంగా చేర్చినట్లు తెలిపాయి. వలసదారుల్లో పలువురు చిన్నారులు, మహిళలు ఉన్నట్లు పేర్కొన్నాయి.2014 నుంచి ఇప్పటివరకు మధ్యధరా సముద్రంలో 10 వేలమందికి పైగా వలసదారులు పడవ ప్రమాదాల్లో దుర్మరణం పాలైన సంగతి గమనార్హం.