మెగాస్టార్ చిరంజీవి 150వ చిత్రం 'ఖైదీ నెం.150'లో కేథరిన్ ట్రెసా బదులు.. 'తోబ..తోబ' గర్ల్ లక్ష్మీరాయ్‌కి భలే ఛాన్స్ లభించింది. ఇది తన లక్ అని మురిసిపోతూ తన ట్విటర్‌లో.. తమ ఫొటోను పోస్ట్ చేసింది. 'చిరంజీవిగారితో ఈ సినిమాలో ఐటం సాంగ్ చేస్తున్నానంటే ఆ ఆనందాన్ని మాటల్లో చెప్పలేను.. ఆయన అంటే నాకెంతో అభిమానం' అని పేర్కొంది లక్ష్మీ రాయ్.చిరు బ్రదర్ పవర్‌స్టార్ పవన్ కళ్యాణ్‌తో 'సర్దార్' మూవీలో ఊరించిన ఈ అమ్మడు.. ఇప్పడు మెగాస్టార్ తో స్టెప్పులేయడం తన పూర్వజన్మ సుకృతమని అంటోంది. ఈ ఐటం సాంగ్ చిరంజీవి కుమార్తె సుస్మిత పర్యవేక్షణలో సాగడం విశేషం. సుస్మితతో గొడవ పడడంవల్లే కేథరిన్ ఈ చిత్రం నుంచి ఔట్ అయిందని వార్తలు వచ్చిన సంగతి తెలిసిందే.