మనామా: సివిల్‌ డిఫెన్స్‌, ప్రజలు భారీ వర్షాలతో అప్రమత్తంగా ఉండాలని సూచించింది. బహ్రెయిన్‌ వ్యాప్తంగా భారీ వర్షాలు కురుస్తున్నాయనీ, ఈ కారణంగా నీరు ఎక్కడికక్కడ నిలిచిపోయే ప్రమాదం ఉన్నందున లోతట్టు ప్రాంతాల్లోనివారు అప్రమత్తంగా ఉండాలనీ, అలాగే రోడ్లపై ప్రయాణించేవారు తగిన జాగ్రత్తలు తీసుకోవాలని విజ్ఞప్తి చేసింది. రాత్రి వేళ ప్రయాణాల్ని వాయిదా వేసుకోవాలని కూడా కోరింది. తడిగా ఉన్న ఎలక్ట్రిక్‌ పరికరాల్ని ఉపయోగించరాదని హెచ్చరించింది. 999 నంబర్‌కి ఫోన్‌ చేసి, సమస్యలున్నవారు తమ సమస్యల పరిష్కారం కోసం సహాయం కోరవచ్చునని సివిల్‌ డిఫెన్స్‌ తెలిపింది. కోస్ట్‌గార్డ్‌ సైతం అప్రమత్తంగా ఉండాలని సివిల్‌ డిఫెన్స్‌ వర్గాలు కోరాయి.