దుబాయ్‌ టెలికాం ఏరియాలోని ఓ భవనంలో అగ్ని ప్రమాదం సంభవించింది. ఈ ప్రమాదంలో ఎవరికీ ఎలాంటి గాయాలూ కాలేదు. అల్‌ షైబా టవర్స్‌లోని 19వ ఫ్లోర్‌లో అగ్ని ప్రమాదం జరిగిందనీ, వేగంగా మంటలు వ్యాపించినప్పటికీ, వెంటనే ఆ మంటల్ని అదుపు చేసినట్లు ఫైర్‌ సేఫ్టీ వర్గాలు తెలిపాయి. 32 అంతస్తుల ఆ భవనం నుంచి అందర్నీ క్షణాల్లో ఖాళీ చేయించారు సివిల్‌ డిఫెన్స్‌ సిబ్బంది. అగ్ని కీలలు పూర్తిగా తగ్గిపోయిన తర్వాత కూడా ఆ భవనంలోకి వెళ్ళేందుకు సివిల్‌ డిఫెన్స్‌ అనుమతివ్వలేదు.