భారత్ దేశవ్యాప్తంగా శ్రీకృష్ణ జన్మాష్టమి వేడుకలను ఘనంగా జరుపుకున్నారు. తల్లిదండ్రులు తమ పిల్లలకు చిన్నికృష్ణుని వేషాలు ధరించి ముచ్చటగా తయారు చేస్తే, యువత ఉట్టి కొట్టి సంబరాలు చేసుకున్నారు. ఉట్టి కొట్టడంలో మేము ఏ మాత్రం తీసుపోమంటూ ముంబయిలోని బధిరుల పాఠశాలలోని విద్యార్థులు ఉత్సాహంగా ఈ సంబరాల్లో పాల్గొన్నారు. ఉత్తర్‌ప్రదేశ్‌లోని మధుర ద్వారకాదీశ్‌ ఆలయానికి భక్తులు పోటెత్తారు. పోలీసులు ఆలయం వద్ద కట్టుదిట్టమైన భద్రతా ఏర్పాట్లు నిర్వహించారు.