దేశీయ మొబైల్‌ తయారీ సంస్థ మైక్రోమాక్స్‌.. ఉబెర్‌తో ఒప్పందం చేసుకుంది. ఇక నుంచి మైక్రోమాక్స్‌ మొబైల్‌ ఫోన్లలో ఉబెర్‌యాప్‌ ఇన్‌బిల్ట్‌గా రానుంది. దీని ద్వారా మరింత మందికి చేరువయ్యే అవకాశం ఏర్పడిందని ఉబెర్‌ పేర్కొంది. మూడేళ్ల కాల వ్యవధి కలిగిన ఈ ఒప్పందంతో 100 మిలియన్‌ మైక్రోమాక్స్‌ స్మార్ట్‌ఫోన్లలో ఉబెర్‌యాప్‌ ఇన్‌బిల్ట్‌గా రానుంది. ఈ యాప్‌తో పాటు ఫుడ్‌, ట్రావెల్‌, షాపింగ్‌, క్రికెట్‌, న్యూస్‌ యాప్‌లు కూడా రానున్నాయి.

'ఈ ఒప్పందంతో మైక్రోమాక్స్‌ వేదికగా ఉబెర్‌ వృద్ధి గణనీయంగా పెరగనుంది. అంతేకాకుండా మా వినియోగదారులకు సైతం ఉపయోగపడనుంది. ఉత్తమమైన అనుభూతిని వినియోగదారులు పొందవచ్చు' అని మైక్రోమాక్స్‌ సహ వ్యవస్థాపకుడు రాహుల్‌ శర్మ తెలిపారు.