36,646 రోడ్‌ ఉల్లంఘనలు దుబాయ్‌ పోలీస్‌ స్మార్ట్‌ ఫోన్‌ అప్లికేషన్‌ ద్వారా గత 11 నెలల్లో నమోదయినట్లు అధికారిక లెక్కల ప్రకారం వెల్లడవుతోంది. దుబాయ్‌ ట్రాఫిక్‌ పోలీస్‌ డైరెక్టర్‌ బ్రిగేడియర్‌ సైఫ్‌ అల్‌ మజ్రోయి మాట్లాడుతూ, వాహనదారులు ఉల్లంఘనలకు పాల్పడినప్పుడు, ప్రజలే వాటిని పోలీసులకు తెలియజేసేలా స్మార్ట్‌ ఫోన్‌ అప్లికేషన్‌ రూపొందిందనీ, అది మంచి ఫలితాలను ఇస్తోందని అన్నారు. స్మార్ట్‌ ఫోన్‌ యూజర్స్‌, ఫొటోలు, వీడియోల్ని పోలీసులకు పంపించడం ద్వారా ఉల్లంఘనలపై సమాచారం ఇవ్వవచ్చు. సంప్రదాయ పద్ధతిలో 42,500 ట్రాఫిక్‌ ఉల్లంఘనలు నమోదయ్యాయి. పోలీస్‌ పెట్రోల్స్‌, రాడార్ల ద్వారా ఈ ఉల్లంఘనలు గుర్తింపబడ్డాయి.