సినీనటుడు సంజయ్‌దత్‌ బయోపిక్‌ చిత్రీకరణ శనివారం ప్రారంభమైంది. దర్శకుడు రాజ్‌కుమార్‌ హిరాణీ ఈ విషయాన్ని ట్విటర్‌ వేదికగా పంచుకున్నారు. సంజయ్‌ జీవితంలో జరిగిన ముఖ్య ఘట్టాలను తెరకెక్కిస్తున్నట్టు తెలిపారు. ఈ రోజు మొదలైన షూటింగ్‌లో ఓ సరదా సన్నివేశాన్ని చిత్రీకరించినట్టు చెప్పారు. సంజయ్‌ దత్‌తో 'మున్నాభాయ్‌ ఎంబీబీయస్‌', 'లగేరహో మున్నాభాయ్‌' చిత్రాలను హిరాణీ తెరకెక్కించారు. ఇప్పుడు ఆయన బయోపిక్‌ను తెరకెక్కిస్తున్నారు. ఇందులో రణ్‌బీర్‌ కపూర్‌ ప్రధాన పాత్ర పోషిస్తుండగా, సంజయ్‌ స్నేహితుడు పాత్రలో 'మసాన్‌' చిత్ర కథనాయకుడు విక్కీకౌశల్‌ నటిస్తున్నాడు.