ఖైరతాబాద్‌(హైదరాబాద్) : ట్రేడ్‌ హైదరాబాద్‌ డామ్‌ కామ్‌, కెరీర్‌ మంత్రల సంయుక్త ఆధ్వర్యంలో 31న మెగా జాబ్‌మేళా నిర్వహిస్తున్నట్టు ట్రేడ్‌ హైదరాబాద్‌ డాట్‌ కామ్‌ డైరెక్టర్‌ వెంకట్‌ బులెమోని తెలిపారు. ఈ మేళాలో పలు ప్రముఖ కంపెనీలు పాల్గొంటాయన్నారు. ఇంటర్‌, బీఏ, బీకాం, బీఎస్సీ, బీటెక్‌లో ఐటీ/సీఎస్‌ఈ, ఎంబీఏ, బీబీఏ, బీఫార్మసీ, డిఫార్మసీ అర్హత కలిగిన అభ్యర్థులు ఈ మేళాలో పాల్గొనవచ్చు. ఎంపికైన వారికి కంపెనీలు శిక్షణ ఇస్తా యని, ఆ సమయంలో 6,500 నుంచి 10,500 వరకు భృతి, అనుభవం ఉన్నవారికి 12,500 నుంచి 22,500రూపాయల వరకు వేతనాలతో ఉద్యోగాలు ఇప్పించబడతాయన్నారు. పూర్తి ఉచితంగా జరిగే ఈ జాబ్‌మేళా కొత్తపేట టెలిఫోన్‌ కాలనీలోని శ్రీరామ్‌ డిగ్రీ కళాశాలలో 31న ఉదయం 10గంటల నుంచి జరుగుతుందన్నారు.