పాస్‌పోర్టు సేవలు మరింత అందుబాటులోకి రానున్నాయి. పాస్‌పోర్టు పొందాలంటే ఇప్పటి వరకు ప్రాంతీయ పాస్‌పోర్టు కార్యాలయాలకు వెళ్లాల్సిన పరిస్థితి. కానీ ఇకపై ప్రధాన తపాలా కార్యాలయాల్లో కూడా పాస్‌పోర్టు సేవలు అందుబాటులోకి తీసుకువస్తున్నట్లు జైట్లీ తన బడ్జెట్‌ ప్రసంగంలో పేర్కొన్నారు.

* జవాన్లు, సైనికాధికారులు ఆన్‌లైన్‌ ద్వారా రైలు టికెట్లు కొనుక్కునేందుకు వీలుగా ''కేంద్రీకృత రక్షణ ప్రయాణ వ్యవస్థ'ను అభివృద్ధి చెసినట్లు విత్తమంత్రి తెలిపారు. టికెట్ల కోసం సైనికాధికారులు రైల్వే వారెంట్‌ పట్టుకుని క్యూలో నిల్చుని ఇబ్బండి పడాల్సిన అవసరం ఇంక ఉండదన్నారు.

* రక్షణరంగ పింఛనర్ల కోసం ఇంటర్నెట్‌ ఆధారిత సమగ్ర పింఛను పంపిణీ వ్యవస్థను ఏర్పాటు చేస్తామని ప్రకటించారు. ఈ వ్యవస్థ పింఛను ప్రతిపాదనలు అందుకుని చెల్లింపులు జరుపుతుందన్నారు. ఫలితంగా .. రక్షణ రంగ పింఛనుదార్ల ఇబ్బందులు తీరుతాయని జైట్లీ వెల్లడించారు.