శింబు, నయనతార, ఆండ్రియా, ఆదాశర్మ కాంబినేషన్‌లో పాండిరాజ్‌ దర్శకత్వంలో శింబు సినీ ఆర్ట్స్‌ సంస్థ నిర్మించిన 'సరసుడు' చిత్రం విడుదలకు సిద్ధమైంది. చాలా కాలం గ్యాప్‌ తర్వాత శింబు, నయనతార ఈ చిత్రంలో కలసి నటించడం విశేషం. తెలుగు, తమిళభాషల్లో రూపుదిద్దుకొన్న ఈ చిత్రాన్ని గత నవంబర్‌లో విడుదల చేయాలనుకొన్నప్పటికీ డిమానిటైజేషన్‌ కారణంలో తెలుగులో రిలీజ్‌ చేయలేకపోయారు. తెలుగు నేటివిటీకి అనుగుణంగా కొన్ని మార్పులు చేసి అతి త్వరలో విడుదల చేయనున్నారు. ఈ నెల 14న ఆడియోను విడుదల చేయనున్నారు. ఈ చిత్రానికి సహనిర్మాత ఉషారాజేందర్‌, నిర్మాత: టి.రాజేందర్‌.