కాలిఫోర్నియాలోని గురుద్వారాలు వందలాది మంది డ్యామ్ నిర్వాసితులకు ఆసరాగా నిలుస్తున్నాయి. ఒరొవిల్లే డ్యామ్ బద్దలయ్యే ప్రమాదం ఉందన్న హెచ్చరికలతో ఆ చుట్టుపక్కల ప్రాంతాల ప్రజలు సురక్షిత ప్రాంతాలకు పరుగులు తీస్తున్నారు. యుబా నగరంలో భారతీయ అమెరికన్లు పెద్ద సంఖ్యలో నివసిస్తుంటారు. డ్యామ్ బద్దలవుతుందన్న వార్తల నేపథ్యంలో సిక్కు మతానికి చెందిన సెక్యూరిటీ గార్డులు, టీచర్లు, రైతులు, ఇతరులు ఆదివారం అర్ధరాత్రి దాటాక పశ్చిమ శాక్రమెంటోలోని రెండంతస్తుల సాహిబ్ సిక్కు మందిరానికి చేరుకుని ఆశ్రయం పొందారు. ఆశ్రయం పొందుతున్న 200 మందికిపైగా నిరాశ్రయులకు మందిరం సిబ్బంది అన్నపానీయాలు, బెడ్డింగ్ సదుపాయాలు కల్పించారు.

19 మంది సిబ్బంది రాత్రంతా మేలుకుని ఉంటూ మందిరానికి చేరకున్న వారికి సేవలు చేసినట్టు మందిరం మేనేజర్ రంజీత్ సింగ్ తెలిపారు.