మనామా: లులు ఫిల్స్‌ ఇంటర్నేషనల్‌ ఎక్స్‌ఛేంజ్‌ 24 గంటల పాటు పనిచేసే ఔట్‌లెట్‌ని ప్రారంభించింది. లులు ఇంటర్నేషనల్‌ ఎక్స్‌ఛేంజ్‌ ఎల్‌ఎల్‌సికి సంబంధించిన లులు ఫిల్స్‌, ఫిలిప్పీన్స్‌లో ఈ మూడవ బ్రాంచ్‌ని ప్రారంభిస్టున్నట్లు వెల్లడించింది. నినాయ్‌ అక్వినో ఇంటర్నేషనల్‌ ఎయిర్‌పోర్ట్‌ - మనీలాలోని టెర్మినల్‌ 1లో దీన్ని ప్రారంభించారు. ఇది లులు ఇంటర్నేషనల్‌ ఎక్స్‌ఛేంజ్‌కి సంబంధించి 136వ బ్రాంచ్‌. లులు ఫిల్స్‌ ఇంటర్నేషనల్‌ ఎక్స్‌ఛేంజ్‌ ప్రెసిడెంట్‌ మరియు చైర్మెన్‌ ఆఫ్‌ ది బోర్డ్‌ అదీబ్‌ అహ్మద్‌ ఈ బ్రాంచ్‌ని ప్రారంభించారు. ఆర్థిక రంగంలో అత్యంత వేగంగా అభివృద్ధి సాధిస్తున్న దేశాల్లో ఫిలిప్పీన్స్‌ ఒకటని అదీబ్‌ అహ్మద్‌ చెప్పారు. 2014లో ఫిలిప్పీన్స్‌లోని మనీలాలో లులు ఫిల్స్‌ మెయిన్‌ బ్రాంచ్‌ని ప్రారంభించింది. తాజా బ్రాంచ్‌లో 24 గంటలపాటు పలు సేవలు అందుబాటులో ఉంటాయి.