తన 150వ సినిమా కోసం రంగంలోకి దిగబోతున్నారు చిరంజీవి. తనయుడు చరణ్‌తో కలిసి 'బ్రూస్‌లీ'లో ఆడిపాడబోతున్నారు. చాలా రోజుల తర్వాత చిరంజీవి కెమెరా ముందుకొస్తుండటంతో అభిమానులంతా ఆసక్తిగా ఎదురు చూస్తున్నారు. చిరంజీవి ప్రతీ కదలిక గురించి తెలుసుకొంటున్నారు. ఇంతలో ఆయన ఓ సర్‌ప్రైజ్‌ ఇచ్చారు. ఓ ఫొటోలో ఫ్త్లెట్‌ ఫైలట్‌ అవతారంలో కనిపిస్తున్నారు. అది చూసిన అభిమానులు చిరు పైలట్‌ ఎందుకయ్యారు? అని ఆరా తీస్తున్నారు. కొత్త సినిమాకోసమే పైలట్‌గా తర్ఫీదు పొందుతున్నారేమో అని భావిస్తున్నారు. ఆ స్టిల్‌ నెట్‌లో వైరల్‌ అవుతోంది కానీ... అందుకు సంబంధించిన పక్కా సమాచారం మాత్రం బయటికి రాలేదు. చిరంజీవి తనయుడు రామ్‌చరణ్‌ ట్రూ జెట్‌ పేరుతో విమానయాన సంస్థని నడుపుతున్నాడు. తన కొడుకుకి సంబంధించిన ఫ్త్లెట్‌లో కూర్చుని అలా పోజిచ్చారా లేక నిజంగానే పైలట్‌గా మారారా అన్నది తెలియాల్సి వుంది. 'బ్రూస్‌లీ' కోసం త్వరలోనే సెట్‌లోకి అడుగుపెట్టబోతున్నారు చిరంజీవి.