రోడ్డు ప్రమాదంలో ఐదుగురు ఒమన్‌ దేశస్తులు మృతి చెందారు. ప్రమాద స్థలంలోనే ఐదుగురు వ్యక్తులు మృతి చెందినట్లు రాయల్‌ ఒమన్‌ పోలీసులు వెల్లడించారు. ఇబ్రిలోని ముక్‌నియా వద్ద ప్రమాదం జరిగింది. ప్రమాదంలో వాహనం దగ్ధమైందనీ, నలుగురు సజీవ దహనం కాగా, ఇంకొకరు వాహనంలోంచి విసిరివేయబడ్డారనీ, ఆ వ్యక్తిని ఆసుపత్రికి తరలిస్తుండగా మృతి చెందాడని పోలీసులు తెలిపారు. అతి వేగంతో ఓవర్‌టేక్‌ చేయబోయిన వాహనం ప్రమాదానికి గురైనట్లు తెలిసింది. ఇబ్రి హాస్పిటల్‌లో నలుగురి మృత దేహాల్ని భద్రపరిచారు. మరొకరి మృతదేహం హజర్‌మఠ్‌ ఆసుపత్రిలో భద్రపరిచారు.

--నూనె లెనిన్ కుమార్(ఒమాన్)