హమాద్‌ టౌన్‌లోని రౌండెబౌట్‌ వద్ద జరిగిన ఓ అగ్ని ప్రమాదంలో ఓ ఇల్లు పూర్తిగా ధ్వంసమయ్యింది. ఈ ఘటనలో ఓ కుటుంబం నిలువ నీడను కోల్పోయింది. ప్రమాద బాధితుల్ని ఆసుపత్రికి తరలించారు. ఈ ఘటనలో కుటుంబ పెద్ద, ఆయన కుమారుడు తీవ్ర గాయాలతో ప్రాణాల కోసం కొట్టుమిట్టాడుతున్నారు. సివిల్‌ డిఫెన్స్‌ ఫైర్‌ ఫైటర్స్‌ కుమారుడ్ని రక్షించినట్లు ఇంటీరియర్‌ మినిస్ట్రీ పేర్కొంది. మిలిటరీ హాస్పిటల్‌లో చికిత్స పొందుతున్న ఇద్దరి పరిస్థితీ ప్రస్తుతానికి విషమంగానే ఉంది. నార్తరన్‌ ఏరియా మున్సిపల్‌ కౌన్సిల్‌ ఛైర్మన్‌ మొహమ్మద్‌ బుహమౌద్‌, బాధితుల్ని ఆసుపత్రిలో పరామర్శించారు. అలాగే వారికి అండగా ఉంటామని హామీ ఇచ్చారు. తాత్కాలికంగా వారి నివాసం కోసం ఏర్పాట్లు చేస్తామని ముహమౌద్‌ చెప్పారు.