అంతర్గత వ్యవహారాల మంత్రిత్వ శాఖ స్మార్ట్‌ గవర్నమెంట్‌ ప్రోగ్రామ్స్‌లో భాగంగా రూపొందించిన యాప్‌ ద్వారా ఆన్‌లైన్‌లో వీసా పొందే అవకాశం ఉందని ఎగ్జిక్యూటివ్‌ డైరెక్టర్‌ లెఫ్టినెంట్‌ కల్నల్‌ మొహమ్మద్‌ అల్‌ షమ్మరి చెప్పారు. వినియోగదారులు స్మార్ట్‌ గవర్నెన్స్‌ ఫలాల్ని పొందాలని సూచిస్తూ, పాలన ఇంకా సమర్థవంతంగా, ఎలాంటి ఇబ్బందులే లేకుండా ఉండేందుకు ఇ-గవర్నెన్స్‌ని అందుబాటులోకి తెచ్చామన్నారు అల్‌ షమ్మరి. ఇ-గవర్నెన్స్‌ పట్ల అవగాహన పెంచడానికి ప్రచార కార్యక్రమాలు నిర్వహిస్తున్నామని, 2018 నాటికి 80 శాతం మంది ప్రభుత్వ కార్యాలయాలకు వెళ్ళకుండానే తమకు కావాల్సిన పనుల్ని ఇ-గవర్నెన్స్‌ ద్వారా చేసుకోవచ్చన్నారు. స్మార్ట్‌ ఫోన్‌ ద్వారా అన్ని పనులూ చేసుకునేలా ప్రజలూ టెక్నాలజీని వినియోగించుకోవాలన్నారు అల్‌ షమ్మరి.

--సి.శ్రీ(దుబాయ్)