కమర్షియల్‌ కంప్లియన్స్‌ అండ్‌ కన్స్యూమర్‌ ప్రొటెక్షన్‌ (సిసిసిపి) - దుబాయ్‌ ఎకానమీ, డేరా ఫిష్‌ మార్కెట్‌లో పర్యటించింది. మార్కెట్‌లో ధరలపై ఈ సందర్భంగా వివరాలు తెలుసుకున్నారు. ఫిష్‌ లేదా మీట్‌ని ఫ్రోజెన్‌ స్టేట్‌లో విక్రయించేవారు, ఖచ్చితంగా ధరల పట్టీని అందుబాటులో ఉంచాలని చెప్పారు. ఈ విభాగంలో ఎలాంటి అక్రమాల్నీ సహించేది లేదని సిసిసిపి డైరెక్టర్‌ ఆఫ్‌ కమర్షియల్‌ కంట్రోల్‌ అహ్మద్‌ అవాది హెచ్చరించారు. ఈ తరహా పర్యటనల వల్ల వ్యాపారుల సమస్యలు అర్థం చేసుకోవడానికి వీలవుతుందనీ, అలాగే వినియోగదారుల ఫీడ్‌ బ్యాక్‌ తెలుసుకోవడం సులభతరమవుతుందని అన్నారాయన. నిబంధనలకు విరుద్ధంగా ధరల విషయంలో అక్రమాలకు పాల్పడితే చర్యలు తప్పవని హెచ్చరించారు అల్‌ అవాది. ధరల పెంపుపై ప్రభుత్వమే తగు నిర్ణయం తీసుకుంటుందని, వ్యాపారుల సూచనల్ని పరిగణనలోకి తీసుకునేందుకు అన్ని మార్గాల్ని పరిశీలిస్తామని చెప్పారాయన.