హలో... 'సుప్రీమ్‌'సాయిధరమ్‌తేజ్‌ కథానాయకుడిగా నటిస్తున్న చిత్రం 'సుప్రీమ్‌'. రాశీ ఖన్నా కథానాయిక. అనిల్‌ రావిపూడి దర్శకత్వం వహిస్తున్న ఈ చిత్రానికి దిల్‌రాజు నిర్మాత. ప్రస్తుతం హైదరాబాద్‌లో చిత్రీకరణ జరుగుతోంది. గురువారం సాయిధరమ్‌తేజ్‌ పుట్టిన రోజు. ఈ సందర్భంగా 'సుప్రీమ్‌' ఫస్ట్‌లుక్‌ని విడుదల చేశారు. సాయిధరమ్‌తేజ్‌ మాట్లాడుతూ '''పిల్లా నువ్వులేని జీవితం' విజయం నాలో ఆత్మవిశ్వాసాన్ని నింపింది. 'సుబ్రమణ్యం ఫర్‌ సేల్‌' అందరికీ నచ్చడం మరింత సంతోషాన్నిచ్చింది. ఇప్పుడు రూపుదిద్దుకొంటున్న 'సుప్రీమ్‌' కూడా అన్ని వర్గాల్నీ ఆకట్టుకొంటుందన్న నమ్మకం ఉంద''న్నారు.