డైరెక్టర్‌ జనరల్‌ ఆఫ్‌ క్రిమినల్‌ ఇన్వెస్టిగేషన్‌ మరియు ఫోరెన్సిక్‌ సైన్స్‌ వెల్లడించిన వివరాల ప్రకారం తన కారులో 625,000 సౌదీ రియాల్స్‌ తీసుకెళుతున్న ఓ వ్యక్తి నుంచి ఆ సొత్తుని దొంగిలించిన కేసులో ఓ బహ్రెయినీ, అలాగే ఆసియాకి చెందిన ఓ వ్యక్తిని అదుపులోకి తీసుకున్నట్లు తెలియవస్తోంది. బాధితుడు, ముహర్రాక్‌ పోలీస్‌ డైరెక్టరేట్‌లో జరిగిన ఘటనపై ఫిర్యాదు చేశారు. కారులో వెళుతున్న తనను అడ్డగించిన ఇద్దరు వ్యక్తులు, ఎవరూ లేని ప్రాంతానికి తనను తీసుకెళ్ళి దోపిడీకి పాల్పడ్డారని పిర్యాదులో బాధితుడు పేర్కొనడం జరిగింది. బాధితుడు ఇచ్చిన ఫిర్యాదు మేరకు విచారణ జరిపిన పోలీసులు, నిందితుల్ని అరెస్ట్‌ చేసి, పబ్లిక్‌ ప్రాజిక్యూషన్‌కి అప్పగించారు.