మనామా: బహ్రెయిన్‌లో హ్యూమన్‌ రైట్స్‌ వయొలేషన్స్‌ జరుగుతున్నట్లుగా ఖతార్‌కి చెందిన అల్‌ జజీరా ఛానల్‌ చేస్తున్న దుష్ప్రచారాన్ని బహ్రెయిన్‌ ఖండించింది. క్రెడిబులిటీ లేని వార్తల్ని అల్‌ జజీరా ప్రసారం చేస్తుండడం ఖండించదగ్గ విషయమని బహ్రెయిన్‌ న్యూస్‌ ఏజెన్సీ పేర్కొంది. బహ్రెయిన్‌లో మానవ హక్కులు సమర్థవంతంగా పరిరక్షించబడుతున్నాయని అధికారులు పేర్కొన్నారు. బహ్రెయిన్‌పై దుష్ప్రచారం నేపథ్యంలో అల్‌ జజీరాపై చట్టపరమైన చర్యలు తీసుకోవడానికి సిద్ధంగా ఉన్నట్లు అధికారులు పేర్కొన్నారు. బహ్రెయిన్‌ మీదనే కాకుండా గల్ఫ్‌ దేశాలపై అల్‌ జజీరా విషం చిమ్ముతోందని సెక్యూరిటీ ఫోర్సెస్‌ ప్రతినిథులు అభిప్రాయపడ్డారు. సెక్యూరిటీ ఫోర్సెస్‌ తమ బాధ్యతల్ని సక్రమంగా నిర్వర్తిస్తున్నాయని, దేశంలో ప్రతి ఒక్కరూ ఆనందంగా ఉన్నారనీ, అధికారిక ప్రకటనలో స్పష్టం చేశారు.