ఆంధ్రప్రదేశ్ రాజకీయాల్లోకి సినీ నటి వాణి విశ్వనాధ్ ఎంట్రీకి రెడీ అవుతోంది. తన తండ్రి జ్యోతిష్యం చూసి చెప్పారని. రాజకీయాల్లో తాను రాణించే అవకాశముందని ప్రస్తావించారని చెబుతోందా అమ్మడు. 13 ఏళ్ల వయసుకే సినిమాల్లోకి అడుగు పెడతానని ఆమె పుట్టినప్పుడే చెప్పారట తండ్రి. ఇప్పుడు అదే మాట చెప్పారని గుర్తు చేస్తోంది. నగరి నుంచి పోటీకి దిగి రోజాకు చెక్ పెడుతుందనే ప్రచారం జరుగుతున్న నేపధ్యంలో వాస్తవం ఏంటనే విషయంపై వాణి విశ్వనాధ్ మాట్లాడారు. సి.ఎం చంద్రబాబునాయుడు రాముడు. నేను ఉడుతలా ఆయనకు సాయం చేసేందుకు సిద్దమయ్యాను. తెలుగు ప్రేక్షకులకు సేవలందించాలనే తపనతోనే ఇక్కడకు వచ్చాను. ఎక్కడ పోటీ చేయమంటే అక్కడ చేస్తాను. అంతే తప్ప.. అది నగరినా.. మరొకటినా అనేది సంబంధం లేదు. రోజా మంచి నటి.
రాజకీయాల్లో వ్యక్తి పాత్ర కంటే. పార్టీలు, సిద్ధాంతాలే ప్రాముఖ్యతనిస్తాయి. నేను రోజాకు వ్యతిరేకం కాదు. కానీ ఆమె పోటీ చేసే పార్టీని ఓడించాలనేది నా ఆలోచన.
సి.ఎం చంద్రబాబు ఏం చెబితే అదే చేస్తాను. పదవులు ఆశించి రాజకీయాల్లోకి రావాలనుకోవడం లేదు. త్వరలోనే చంద్రబాబును కలుస్తాను. అందరికీ విషయం చెబుతాను.
రాజకీయాల్లోకి వచ్చేది నిజం. పోటీ చేసేది అంత కంటే వాస్తవం. ఎవరి మీద పోటీ అనేది పార్టీ నిర్ణయిస్తుందని మనసులో మాట చెప్పారు వాణి విశ్వనాధ్.మళయాలంలో పుట్టి, తెలుగులో నటించి.. తమిళనాడులో స్థిరపడిన వాణి విశ్వనాధ్ మళయాళీ నటుడు బాబురాజ్ ను వివాహం చేసుకుంది.
వారికి ఒక ఉన్ని అర్చ అనే కుమార్తె ఉంది. చైన్నైకి దగ్గరగా ఉంటుందనే కారణంతోనే నగరిలో పోటీ చేయాలనే ఆలోచన.