మధ్య బంగాళాఖాతంలో అల్పపీడనం ఏర్పడిందని వాతావరణ కేంద్రం తెలిపింది. ఈ అల్పపీడనం బలపడి 48 గంటల్లో వాయుగుండంగా మారే అవకాశం ఉందని తెలిపింది. అలాగే ఈనెల 18వతేదీ నుంచి ఉత్తర కోస్తా, దక్షిణ ఒరిస్సాలో భారీగా వర్షాలు కురుస్తాయని కూడా తెలిపింది. అలాగే తెలంగాణ పరిసర ప్రాంతాల్లో ఉపరితల ఆవర్తనం కొనసాగుతుందని, క్యూములోనింబస్‌ మేఘాల ప్రభావంతో అక్కడక్కడ వర్షాలు కురుస్తాయని, ఈ విషయాన్ని ప్రజలు గమనించాలని వాతావరణ కేంద్రం అధికారులు తెలిపారు.